O le Pepa o Faitioga ma le Faiga o Faitioga a le CDVSA
O le tulafono a le AuFaifono i Sauaga Fa’aleaiga ma Sauaga feusua’i, lea e Mafai ai ona Maua e Tagata Gagana ese ia auaunaga, i le latou gagana, e mana’omia ai ia tagata faigaluega a le CDVSA, e fai ia mea e tatau ai, e fa’aititia ai ia papupuni fa’alegagana, lea e taofia ai pe faigatā ai, ona maua o auaunaga ma polokalama, e le lautele. O la matou sini o le avatu lea o avanoa tutusa i auaunaga, mo tagata Alaska e lē lava, ma lē tautala Igilisi. Ina ia fa’atino la lea sini, ua faia ai e le CDVSA le “Pepa Faitio, e Mafai ai e tagata Gagana Ese ona Maua ia auaunaga, i le latou gagana”, mo tagata ta’itasi, e fai mai ai se tala, e tusa ai ma le maua o auaunaga i le latou gagana.
e Faiga o Faitioga: 
O le Pepa Faitio:
O le Pepa Faitio
- O le a mafai ona maua le pepa faitio i le kopiina lea mai le initineti, ma lafo atu pe a fa’atalosaga mai, e ala i le meli, imeli, po’o le masini e lafo ai pepa (fax).
- E mafai ona tu’uina mai ia faitioga i le CDVSA, e ala i le emeli, meli, po’o le masini e lafo ai pepa (fax).
- E fa’ailoa atu e tagata faigaluega a le CDVSA i tagata lautele, e tusa ai ma le mafai ona maua o le pepa faitio, ma mea e fai, e pei ona fa’amatalaina i le latou pepa o ala e tu’uina atu ai ia auaunaga mo tagata gagana ese.
O le a faia ia ala o lo’o mulimuli mai, pe a fesili mai se tasi e tusa ai ma le fa’atumuina o faitioga i se gagana ese:
- Afai e fa’atalosagaina mai e se tagata o le lautele, o le a fesoasoani atu ia tagata faigaluega a le CDVSA, i le tagata lea e fa’atumu le pepa.
- Afai o le tagata lea, e gagana ese (LEP) ma e mana’omia le fesoasoani tau le gagana e fa’atumu ai le pepa, e mafai e CDVSA ona tu’uina atu le pepa i le gagana ua talosagaina mai (pe afai e i ai), pe tu’uina atu le avanoa e fa’amatala atu ai le pepa, e ala i punaoa mo auaunaga i gagana ese a le CDVSA.
O le a faia ia mea o lo’o mulimuli mai, pe a uma ona fa’atumu le pepa faitio:
- O le a aveina e tagata faigaluega a le CDVSA, ia le pepa pe a uma ona fa’atumuina e le tagata, ma lafo atu pe tu’uina atu i le Tagata Fa’amaopopo mea mo auaunaga i gagana ese, a le CDVSA, mo le su’esu’eina o le faitioga.
- O le a fa’aumaina e le Tagata Fa’amaopopo mea mo auaunaga i gagana ese a le CDVSA, po’o se e fa’atonuina, le iloiloga i le va o aso e 14.
- Afai o le gagana o le pepa, o se gagana e lē malamalama ai le tagata faigaluega a le CDVSA, o le a fa’aaogaina e le tagata faigaluega se tagata e tomai i lea gagana, i le taimi e iloilo ai le faitioga, ma/pe feso’ota’i atu ma le tagata e talanoa ma fa’ailoa mai le faitioga.
- O le a iloiloina e le Tagata Fa’amaopopo mea mo auaunaga i gagana ese a le CDVSA, ia so’o se faitioga latou te maua, e tu’uaia ai pe fa’ailoa mai ai le, ono lē usita’ia, o le tulafono o le Title VI o Aiā Tatau a Tagata.
- Afai e iloa mai le iloiloga o lo’o usita’ia le tulafono, o le a fa’ailoa atu e le tagata fa’amaopopo mea i le tagata gagana ese (LEP), i se tusi, lea tulaga, e aofia ai ma le fa’amatalaga o lea i’uga, i le va o aso e fitu, mai le aso o le i’uga.
- Afai e maua mai le iloiloga po’o le su’esu’ega ia tulaga o le, lē usita’ia o le tulafono, o le a fa’ailoa atu e le tagata fa’amaopopo mea, i le tagata gagana ese (LEP), le, lē usita’ia o le tulafono, e ala i le Tusi Fa’amatala, e ta’u atu ai ia tulaga o lo’o lē usita’ia ai le tulafono, ma sitepu e fai e fa’asa’o ai le tulaga ua sesē, i le va o aso e fitu mai le aso o le i’uga.
*O le Vaai ma Fa’amatala upu, o le fa’aliliuga lea mai le fofoga/po’o upu, mai le tasi gagana i le isi, i le taimi lava lenā. Mo se fa’ata’ita’iga, afai na’o le fa’aSipaniolo e tautala ai se tagata, ae o le gagana o le pepa o le Igilisi, o le a vaai le fa’amatala upu/fa’aliliu gagana i vaega na o le pepa, ma fa’amatala atu, a’o fa’atumu e le tagata le pepa, ina ia mafai ai e le tagata ona fa’atumu le pepa Igilisi, a’o fesoasoani atu le fa’amatala upu i le ali’i/tama’ita’i/latou.