State of Alaska Department of Public Safety

CDVSA-m Qanemyugutekain imirarkaa cali-llu Maligtaquarkai

Council on Domestic Violence & Sexual Assault-am alerquutain picirkiurmai CDVSA-m calistai taringutenritlerkaq ikeglicangnaqarkauluku ayuqenrilngurnun ikayuutnun qaritngullra pitekluku. Pillerkiuraqaput tamalkuitnun Alaska-rmiunun Qitevvteluaqanrilngurnun paivcitarkauluki ayuqluki. Pillerkiuramta tungiinun ayallemteni CDVSA-q pilillruq “Language Access Complaint Form”-amek (Mumigcimalrianek Ikayuutnek Paivngatellrita Qanemyugutekaan Imirarkaanek) yugnun apertuusqelluki qaneryarat paivngatellrit.

Qanemyugutekam Imirarkaa: 

Qanemyugutekain imirarkaa:

Qanemyugutekam Imirarkaa:

• Qanemyugutekam imirarkaa paivngaciiquq computer-aakun unaksugngaluni cali-llu tuyuqumayugngaluni kalikivigkun, email-akun, wall’u fax-aakun.
• Qanemyugucet CDVSA-mun utercecugngaut email-akun, kalikivigkun, wall’u fax-aakun. 
• CDVSA-m calistain apertuucugngait yuut qanemyugutekam imirarkaanek qallun-llu atullerkaat apertuumaciatun qaneryarat paivngatellrita pillerkiuraani.

Ukut maligtaquarkat atuugarkaugut yuut aptaqata imirillerkamek qaneryaram-tungiinek qanemyugutnek:
 

• Yuut iliit ellimeriaqan, CDVSA-m calistain ikayurciqaat tauna imirillrani.
• Yuk qitevngaluaqanrilkan qaneryaramikun-llu ikayuryugluni imirillermini, CDVSA-m paivcicugnaa mumigcimalriamek imirarkamek (pitangqerkan) wall’u tangerrluku mumigciyaraq* aturluku CDVSA-m qaneryaranek paivciyaraakun.

Ukut maligtaquarkat atuugarkaugut qanemyutem imirarkaa taqiuskan:

1. CDVSA-m calistain ciuniurciqaat imirarkaq taqiusngalria tuyuqluku-llu CDVSA-m Qaneryaranun Paivcistiinun yuvrillerkaanek qanemyugun.
2. CDVSA-m Qaneryaranun Paivngacestiin wall’u ellimeraan yuvririyaraq taqiutarkaugaa akimiarunritaaraat erenret tekipail’gatggu. 
3. Imirarkaq allakun qaneryarakun igausngakan CDVSA-m calistain elisngakenrilkiini, calistet mumigcistemek aturluteng yuvrirciqaat qanemyugun cali-llu/wall’u qayagauryukuneggteggu imirilleq qalaruteksugluku ca imna arenqianaqleq.
4. CDVSA-m Qaneryaranun Paivngacestii yuvrivsiariciquq qanemyugutnek apertuillernek maligtaqutenritniluki Title VI-aaranun Civil Rights Act-am. 
5. Yuvrivsialleq apertuikan maligtaqusngalriamek, qaneryaranun paivngacestem nallunairciqaa taringeluaqanrilnguq igakun nataqiillermeggnek, ilakluku qaillun nataqiilteng, arvinlegen erenret tekipailgaku.
6. Yuvrivsiaraq nataqiikan maligtaqusnganrilngurmek, qaneryaranun paivngacestem nallunairciqaa taringeluaqanrilnguq igakun aterpagcimaluni “Letter of Finding” apertuiluni naliit atullrita maligtaquutenritellritnek cali-llu qaillun kitugutkaitnek maligtaquutenrilnguut.

* Tangerrluku mumiciyaraq naaqilriaruuq igausngalriamek qaneryarat iliitnek allamun qaneryaramun tuani. Taringcetaarluku, kina Spanish-aamek kiingan qaneryarangqerkan imirarkaq-llu Kassatun igausngaluni, mumigcistem tangvagluku imirilria apertuuciiqaa tauna Kassatun imiriyugnavkarluku mumigcistem ikayurluku.